Charter Document - 04320007
| Charter Number: | 04320007 |
|---|---|
| Cartulary Title: | St. Bernhard, Zisterzienserinnen 1263 - 1300 |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1270 |
| Date type: | Internal, A.D., Calendar |
| Resource Link(s): |
Monasterium.net |
Charter:
Uniuersis hanc litteram inspecturis Heinricus de Cvenringen Ministerialis Austrie Salutem Cvm a Creatore nostro corpus et animam acceperimus et quidquid in hoc mundo temporaliter possidemus indignum esset et vicio ingratitudinis arguj deberemus si ei modica negaremus qui plurima dedit nobis Hinc notum esse uolumus vniuersis quod pro remedio animarum progenitorum nostrorum et liberorum nostrorum ac nostre pensionem avene nummorum pullorum et caseorum que ad nos iure vulgariter vorstrecht nominato in villa Moydratz de qvinque prediis pertinebat cvm consensu heredum nostrorum Cenobio Sanctimonialium nostre fundationis in Maylan pia deuocione contulimus iure integro in perpetuum possidendam volentes nichilominus quod homines qui predicta predia pro tempore tenuerint libere et sine omni prohibitione pro materia ignium suorum de nostro nemore ligna tollant In cujus rei confirmationem et testimonium presentes litteras conscribi fecimus et sigillj nostri munimine roborari Acta sunt hec anno domini Millesimo dvcentesimo Septuagesimo Sexto Nonas Octobris in Zwetel