Charter Document - 04320003
| Charter Number: | 04320003 |
|---|---|
| Cartulary Title: | St. Bernhard, Zisterzienserinnen 1263 - 1300 |
| Charter Language: | Latin |
| Charter Origin: | Papal |
| Charter Type(s): | Mandate |
| Date: | 1263 |
| Date type: | Internal, Calendar, Papal |
| Resource Link(s): |
Monasterium.net |
Charter:
Urbanus episcopus servus servorum dei Dilecto filio fratri Chunrado converso monasterii in Hailsprunn Cysterciensis ordinis Eystettensis Dyocesis salutem et apostolicam benedictionem Attendens dilectus filius nobilis vir Hainricus de chunring Marschalcus austrie illud esse felix commercium cum terrena pro celestibus conmutantur pro sue ac parentum suorum animarum remedio prout asserit monasterium in quo sint moniales cysterciensis ordinis de bonis suis in fundo proprio constituere ad honorem dei et beate Marie virginis gloriose proponit ad cujus construccionem presenciam tuam asserit non modicum oportunam Cupientes igitur ut ipsius nobilis huiusmodi pium propositum ad felicem perducatur effectum dilectum filium abbatem de hailsprunnen rogandum duximus et hortandum nostris ei dantes litteris in preceptis ut te ipsi nobili pro hujusmodi opere absque qualibet difficultate concedat moraturum secum propter hoc et cura constructionem ipsius monasterij consilium et auxilium secundum datam tibi a deo graciam inpensurum Quocirca discrecionem tuam rogamus et hortamur attente quatenus postquam tibi dictus abbas huiusmodi licenciam concesserit ad nobilem accedas eundem et moreris cum eo sibique cura constructionem dicti monasterij inpendas consilium et iuvamen Datum apud urbem veterem VI Kalendas Junij Pontificatus nostri anno tercio