Charter Document - 04310021

Serenissimo principi domino suo Alberto Illustri duci Austrie et Styrie domino Egre et Carniole ac Portus naonis frater R Ordinis sancte Marie de Cystercio miseracione diuina Abbas in Paungartenperg et frater H de domo Teutonicorum Purgrauius in Werbenstein Cum indefessis obsequiis deuotas oraciones ad filium virginis gloriose Mandatum vestrum nobis iniunctum super inquisicione iuris patronatus barrochialis Ecclesie in Chrewtzen de quo contenditis cum diligenti exsequenti sollicitudine in vos respicere id debeat seu Ecclesiam sancti Johannis in Waldhausen que sibi similiter hoc ius vendicat iuris Auctoritate ergo vestre excellentissime minacioni presentibus declaramus Quod nos ad facti huius veritatis euidenciam eliciendam viros Religiosos Plebanos Ministeriales Milites vestros et clyentes tocius vestre prouincie in Machland super habuimus requisitos sub iuramenti sacramento et gracie vestre obtentu cui inquisicioni Reuerendus in Christo Pater et dominus P venerabilis Abbas sancte Crucis ex casu superueniens interfuit qui qua diligencia religiosi et plebani Ministeriales ceterique nobiles viri super hoc a nobis requisiti fuerint audiuit Quod vero sub iuramento ac gracie vestre sub obtentu protestati sint percepit nobiscum vniuersaliter a singulis et singulariter ab vniuersis Requisitus ergo primo frater C vir religiosus in Paungartenperg Cellerarius sub sancta obediencia dixit ex certa se scire consciencia ius patronatus Ecclesie in Chreutzen ad Waldhausensem Ecclesiam pertinere Jusque illud usque ad vestra tempora numquam prefate numquam ablatum fuisse Ecclesie et adiunxit quod dux fridericus pie recordacionis solum semel intercesserit vt suo Cappellano prefata Ecclesia conferretur Cuius precibus Prepositus in Waldhausen acquiescens contulit eam sue tamen Ecclesie saluo iure Insuper protestatus est quod Ecclesia in Chreutzen [in] euidens Signum debite possessionis huius iuris patronatus persoluat annualem censum vsque in hodiernum diem videlicet viginti metretas siliginis et totidem auene Ecclesie in Waldhausen Item Requisitus frater Chunradus Magister Conuersorum protestatus est idem Prior eiusdem loci jn Paungartenperg requisitus protestatus est ex veridico auditu se percepisse jdem Frater fridricus requisitus protestatus est idem de certa conscientia se scire Decanus Ardacensis requisitus protestatus est idem et alij quam plures fide digni quorum tamen nomina propter breuitatem subticentur Acta sunt hec Anno domini Millesimo CCLXXXXIIJ proxima dominica post Ascensionem domini in Paungartenberg