Charter Document - 04310007
| Charter Number: | 04310007 |
|---|---|
| Cartulary Title: | Waldhausen, Augustiner-Chorherren (1147 - 1826 [1350]) |
| Charter Language: | Latin |
| Charter Origin: | Lay |
| Charter Type(s): | Decree |
| Date: | 1240 |
| Date type: | Internal, A.D., Calendar |
| Resource Link(s): |
Monasterium.net |
Charter:
Fridericus dei gracia dux Austrie et Stirie et dominus Carniolis omnibus hanc litteram inspecturis salutem Pateat uniuersis quod nos intuitu retribucionis diuine ecclesie beati Johannis apostoli et evvangeliste in Walthousen hanc libertatem uolumus et uoluimus indulgere ut nullus umquam iudicum aut prefectorum nostrorum in Machlant et in ciuitate nostra La aliquam sibi iurisdictionem aut prouentuum receptionem aut quamcunque exactionem in prediis ecclesie dicte debeat uendicare sed eos qui pro tempore in memoratis locis iudices fuerint aut prefecti possessionibus denominatis constituimus defensores in hac forma ut nichil racione aduocacie nostre aut pretextu tuicionis sue a sepe dictis prediis debeant aut audeant usurpare Cum etenim ecclesiam sepe notatara foueamus et uita comite fouere uelimus speciali gracia et fauore omnibus offensis et grauaminibus ipsius uolumus resistere et promotioni eius intendere cum effectu offensores ipsius tamquam proprios iudicialiter et hostiliter persequentes Ut hec ergo que tenore presencium spondemus in robur perpetuum redigamus presentem cartam super hoc iussimus conscribi quam et preposito et conuentui eiusdem loci in manifestacionem collate gracie sub nostri sigilli munimine assignamus testibus eidem donacioni presentibus annotatis qui sunt Heinricus tumprepositus Patauiensis Luipoldus plebanus de Haimburch magister Luipoldus prothonotarius noster plebanus in Brobsdorf Ulricus de Gors Gotschalchus notarius Johannes et Andreas capellani nostri Otto de Sleuntz Heinricus de Seuelde Ulricus de Chirchlingen Gundacharus et Ditmarus de Steir Ulricus de Hinterperch Heinricus et Chunradus fratres de Zekingen Plures equidem aderant huic donacioni nostre solempniter facte quorum omnium nomina exprimere non oportet Acta sunt hec in Chrems anno ab incarnacione domini MCCXL pridie Kal februarii tercie decime indictionis