Charter Document - 04301002

Wir Otacher von Gotz gnaden Hertzog ze Steyr tuen chunt allen Gotz getrevn Daz daz Gotshaus ze Travnchirchen emalen mit grozzem vrid vnd geruet ist erschinen vntz an vnser tzeit vnd daz ez mit chainer vodrung dhains Vogtz gemuet ist gewesen Ynd daz ist von gwalt vnd recht der Hantuest vnsrer verenen Markraf Oetachers di si dem vorgenanten Gotshaus gegeben habent Vnd auch von guet der nachgeporn Fursten der stifter des selben Chlosters di di selben Vogtay in ir aigenschaft vnd in ir gwalt hielten vnd daz daz vorgenant Gotshaus ze Travnchirchen vnd all sein leut furbaz enpern der vodrung aller Voegt dar vm di vorgenanten Fursten Markraf Otacher vnd sein vr Enn daz vrbar des vorgenanten Gotshaus ze Travnchirchen mit vristung vnd scherm pesazzen als wir ez heut pesitzen Vnd swem wir den nutz verleihen di tzwai aigen ze Chemnaten tzwai ze Reuthaim vnd ein halbz aigen ze Tann mit allen den leuten di dar zue gehoerent Wir awer wesent vnd gesetzt vnder der Maisterschaft des hantmaisters burt wir petrogen mit schelchleichem rat vnsrer dienstmann vnd heten gesatzt hern Arnolten von Bartenburch an vnsrer stat dem vorgenanten Gotshaus zv einem phleger vnd vogt Der selber von vnsrer chindhait vreileichen wolt nutz vnd gwin haben des egenanten Gotshaus wider daz recht vnd wider de hantuest mit vebung manigualtiger vnrechter vodrung Dar vm wurd wir ermant mit wainvnder chlag der getrevn vravn Diemueten Abbtessin des selben Chlosters vnd hern Ewerharts vnsers chaplans mit aller ir samnung vnd allen iren leuten da hiezz wir lazzen den vorgenanten hern Arnolten von der vogtay vnd von aller seiner vodrung Vnd habent pestet di vorgenanten recht der vorgenanten hantuest Dar vber hab wir auch daz Gotshaus mit recht vnd rat vnsrer pesten dienstherren mit nachgeschriben rechten gemert Also daz dhain vogt entuerr dhainen menschen der vorgenanten stat nindert gwalt entuen Wir wellen auch daz dhain vogt zv der Abtessin taiding icht enchoem nuer gepeten oder geladen Ez schol auch daz Gotshaus im jar drev taiding haben an vodrung vnd an nutz Wir wellen auch daz di Abbtessin wen si well oder wenn si well ein vogt setz vnd entsetz Ist daz daz ein dienstman des selben Gotshaus ainen irr diener verderbt der schol mit Sechtzich phfenning ab ding mit dem vogt vnd schol dem Gotshaus einen menschen widerchern Ist daz daz des Gotshaus ainer ein hausvravn nimt die eins andern gedings ist der schol vm Sechtzich phfenning mit dem vogt sich versuenen Awer di Abbtessin schol varschen voellichleichen di recht des Gotshaus Ist auch ob der leut von Steyrlant mit chonschaft zv des Gotzhaus leuten cherten di schullen paidenthalben dhainen gwalt noch gepresten dar vmb leiden awer vns vnd dem Gotshaus schullen di chint gleich getailt werden Wir wellen auch daz der vogt niemant vrisst noch pescherm der der Abbtessin wider sei Ist daz ob ein diener den andern verderbt der selber schol dem vogt Sechtzich phenning geben Ez schol awer der selb dem Gotshaus ein andern menschen widercheni Vnd dar zue schullen alle irev wandel also stet vnd ebig peleiben Daz sint die die di vorgenanten recht mit geswarm aid pestett habent Her Gvndacher von Steyr Ott von Volchenstorf Pillunch von chyrichhaim Reicher von Marichpurch Hartneid von Ort Heinrich Stich von Glevnch her Ewerhart phfarrer ze Travnchirchen Gerlach von Talhaim Engelschalich Hartunch von puechhaim Heinrich von Rueshaim Daz sind di zeug welher tzeugnuss all di sach gevestent sint Her Herrant von Wildoni Arnolt von wartenburch Dvrinch Gvndachers svn Dietmar der druchsetz Vlreich von chyenaw Hertneid von haus Engelschalich der Vtzinger Heinrich von Stain Heinrich von Salmansleiten Heinrich portzel Vlreich von Patenanger vnd sein prueder Engelschalich und andrer pideber leut genueg Wir vergehen auch daz auz den vorgenanten herren die vier Her Gvndacher Herr Ott Her Herrant Her Pillunch auf Gotsleichnamen habent geswaren daz her Chunrat von Wolfsek des vorgenanten Gotshaus vogtay auch nicht von recht nuer von gnaden vnd verhengnuss Markraf Otachers gehabt hat des er selber an seinen lesten Zeiten vergehen hat Di Wandlung ist geschehen dv man zalt von Christes gepuerd Tausent jar Hvndert jar dar nach in dem ainz vnd nevntzkisten jar jn dem dritten jar des Pabsts Celestini jn dem ersten jar Chaiser Hainreichs jn dem ainleften jar des Ertzpisscholfs Albrecht von Saltzpurch vnd poten des Romischen stuels jn dem ersten jar Pyscholfs wolfgers von Pazzaw ze gegenburt der erbern Abbtessin vravn Diemueten datz Ens in dem innreren haus des Raebeins der ze den selben zeiten di munzz het