Charter Document - 04290015

Serenissimo principi domino nostro Sigismundo Dei gracia Romanorum regi semper augusto ac Hungarie [] regi illustri domino ipsorum metuendo conventus monasterii Sancti Egidii de Symigio oracionum suffragia devotarum Litteris maiestatis vestre annualibus pro religioso viro domino fratre Demetrio abbate et conventu monasterii Thikoniensis ad evocaciones inquisiciones et prohibiciones faciendas ac ad alia que iuxta regni vestri consuetudinem talibus in processibus causarum fieri consweverunt peragenda emanatis eisdemque per vestram maiestatem graciose datis et concessis nobis directis sumpmo cum honore receptis et iuxta earumdem continenciam una cum Iacobo filio Iohannis de Lazlofalua homine serenitatis vestre inter alios homines vestros in dictis litteris vestris annualibus nominatim conscripto nostrum hominem videlicet fratrem Blasium sacerdotem unum ex nobis ad infrascriptam inquisicionem faciendam pro nostro testimonio transmisimus fide dignum qui tandem exinde ad nos reversi nobis consona voce retulerunt quod ipsi in festo Beate Barbare virginis et martiris de novo preterito in comitatu de Symigiensi simul procedendo ab omnibus quibus decuisset et licuisset nobilibu videlicet et ignobilibus ac ab aliis cuiusvis status et condicionis eiusdem comitatus hominibus palam et occulte diligenter inquirendo talem de infrascriptis scivissent veritatem quod Nicolaus filius Benedicti et Symon filius Stephani filii Gywke de Lelye decimas et nonas vinorum et bladorum necnon dacia et munera ac fena ceterosque quoslibet reditus et proventus anni presentis utrarumque possessionum Gamas vocatarum eisdem domino abbati et conventui iuxta speciale litteratorium mandatum et commissionem maiestatis vestre per vestrum et nostrum homines re statutarum prorsus et per omnia pro sei ipsis recepissent eosdem dominum abbatem et conventum rursus dominio dictarum utrarumque possessionum Gamas excludendo et evertendo ac easdem pro se ipsis occupando potencia eorum mediante In quo facto eisdem domino abbati et conventui ducentarum marcarum denariorum dampna intulissent in preiudicium eorundem valde magnum Datum tercio die diei inquisicionis antedicte anno Domini millesimo quadringentesimo decimo septimo