Charter Document - 04280002

Evgenius Episcopus Seruus Seruorum Dei dilectis filiis Johanni Preposito beati Lamperti Subenen Ecclesie eiusque fratribus tam presentibus quam futuris regularem vitam professis in perpetuum Quotiens illud a nobis petitur quod religioni et honestati conuenire cognoscitur animo nos decet libenti concedere et petentium desideriis congruum impertiri suffragium Huius rei gratia dilecti in Domino filij vestris justis postulationibus clementer annuimus et prefatam Ecclesiam in qua diuino mancipati estis obsequio sub beati Petri et nostra protectione suscipimus et presentis scripti patrocinio con munimus Statuentes vt quascunque possessiones quecunque bona inpresentiarum juste et canonice possidetis aut in futurum concessione pontificum liberalitate Regum largitione principum oblatione fidelium seu aliis justis modis prestante Domino poteritis adipisci firma vobis vestrisque successoribus et illibata permaneant in quibus hec propriis duximus exprimenda vocabulis Ecclesiam sancte Margarethe virginis ad Henngst cum curte stabularia et omnibus pertinentiis suis Ecclesiam Mallentin cum omnibus pertinentiis suis quem admodum a venerabili fratre nostro Conrado Saltzburgensi Archiepiscopo vobis rationabiliter sunt et scripto firmate Datum istius Bulle sub verborum tenore est tale Datum Laterani per manum Roberti sancte Romane Ecclesie presbyteri Cardinalis et Cancellarij pridie Non Januarij Indictione nona Incarnationis Dominice Anno Millesimo [centesimo] quadragesimo sexto pontificatus vero domini Eugenij tertij Pape anno primo