Charter Document - 04270155
| Charter Number: | 04270155 |
|---|---|
| Cartulary Title: | St. Pölten, Augustiner Chorherren (976 - 1668 [1350]) |
| Charter Language: | Latin |
| Charter Origin: | Religious |
| Charter Type(s): | Agreement |
| Date: | 1298 |
| Date type: | Internal, A.D., Feast |
| Resource Link(s): |
Monasterium.net |
Charter:
Wernhardus dei gracia ecclesie Pataviensis episcopus venerabili in Christo fratria domino Ekchardo preposito et conventui in Sancto Ypolito salutem et sinceram in domino caritatem Defectus varios quos patitur ecclesia vestra paterna provisione supplere volentes ut submotis eisdem in divino pariter officio et hospita litate perseverare possitis ecce de fratrum nostrorum consilio et consensu vobis auctoritatem plenam auctoritate ordinaria impartimur ut dum ecclesiam in Prukka cuius ius patronatus ad vos dinoscitur pertinere per mortem plebani ibidem vel alio modo canonico vacare contingat ex tunc vos possessionem ipsius nobis eciam irrequisitis apprehendatis licite ipsamque tam in spiritualibus quam in temporalibus per fratres vestri ordinis professos seu per seculares clericos iuxta voluntatem vestram instituendos et destituendos auctoritate vestra propria ac etiam variandas perpetuo gubernetis In cuius rei testimonium presentes damus litteras nostro sigillo munitas Datum Wienne anno domini millesimo CC nonagesimo octavo Michahelis archangeli