Charter Document - 04270153

Charter Document - 04270153


Charter Number: 04270153
Cartulary Title: St. Pölten, Augustiner Chorherren (976 - 1668 [1350])
Charter Language: German
Charter Origin: Lay
Charter Type(s): Transfer
Date: 1297
Date type: Internal, A.D.
Resource Link(s): Monasterium.net

Charter:

Wier Fridreich und Gundacher von Raetelnperg und Wetzil von Goldekch tun chund allen den die disen brief an sehent oder lesen hornt das Niclas Albrehts sun s Drozzer gelost hat von seiner swester frawn Kathreyn allen iren geleichen erbtail der seia von irem vater heren vor genanten Albrechten solt an erben datz Neendorf den halben hof und was darin gehort den halben hof datz der Plaichen und datz Wilhalmspurg siben schilling gelts halbe umb zwelif phund phening zue solhem recht das das auf in und auf sein hausfrawn und auf seinew chind nach seines vater tod ze recht sulle erben und auf nieman anderen Und das dew selb losung stet und unzebrochen beleib im Nicla und seiner hausfraw und seinen chindern des geb wir disen brief mit unserr aller drien insigillen versigilten zu zeuge und auch ze urchund und darzu ze zeuge alle die die hie under geschriben stent das ist der her Ulrich pharer von Haindorf und ist Ortel von Goldek und Hainrich von Goldek und Ortel von Wiermla und alle die di disen brief ansehent Und ist das geschehen do von Christi gepurde ist gewesen tausent jar zwaihundert jar sibn und neunzig jar ze sunibenden