Charter Document - 04270148
| Charter Number: | 04270148 |
|---|---|
| Cartulary Title: | St. Pölten, Augustiner Chorherren (976 - 1668 [1350]) |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1295 |
| Date type: | Internal, A.D., Feast |
| Resource Link(s): |
Monasterium.net |
Charter:
Nos Theodorus miseracione divina episcopus Lauriensis aule domini regis vice cancellarius significamus quibus expedit tenore presencium universis quod nos religiosum et deo amabilem virum fratrem Nicolaum de ordine sancti Augustini suprapelliciatorum virum utique idoneum et expertum de cuius persona vita e honestate et conversacione nobis multa bona fuerunt recitata presentatum nobis per patronos monasterii sancti Petri de Hurpach premissa diligenti et matura examinacione in predictum monasterium sancti Petri de Hurpach in prepositum prefecimus et pastorem dantes eidem auctoritatem in predicto monasterio faciendi ea que verus et legitime institutus prepositus ordinis illius in suo monasterio facere consuevit In cuius rei testimonium presentes concessimus literas sigilli nostri autentici munimine consignatas Datum laurini feria sexta proxima post festum beati Luce evangeliste anno domini millesimo ducentesimo nonagesimo quinto