Charter Document - 04270138
| Charter Number: | 04270138 |
|---|---|
| Cartulary Title: | St. Pölten, Augustiner Chorherren (976 - 1668 [1350]) |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1291 |
| Date type: | Internal, A.D., Feast |
| Resource Link(s): |
Monasterium.net |
Charter:
Ego Albero ortulanus in dem Werd civis Wiennensis et domina Jewta uxor mea et Elizabet et Gerdrudis filie nostre profitemur testimonio presencium literarum quod medium iuger de vinea in Sancto Vito sita que vocatur vinea puerorum convenimus iure precario quod vulgariter dicitur leipgeding a reverendo patre et domino Ekhardo preposito ecclesie sancti Yppoliti et conventu ibidem ad obligandum et vendendum ad tempora vite nostre tantummodo sub hoc pacto quod singulis annis de predicta vinea predicto domino preposito et conventui servire debeamus unum talentum denariorum wiennensium usualis monete in terminis infra scriptis videlicet in purificacione sancte Marie medium talentum denariorum dabimus et in proxima quinta feria ante diem palmarum medium talentum denariorum iterum serviemus Insuper de nostra bona admittimus voluntate quod ipse dominus prepositus et conventus unum de suis dominis aut fratribus vel unum de sua familia quemcunque voluerint annis singulis ad nos mittant qui predictam vineam qualiter culta sit respiciat diligenter quam si debito modo cultam invenerint bene quidem sin autem fructus qui in predicta vinea haberi poterunt isto anno in domo predictorum dominorum in Sancto Vito debent diligencius collocari quoadusque ipsis fecerimus certitudinem de emendis si male cultum fuerit et de servicio supradicto In cuius rei testimonium sepe dicto domino preposito et conventui damus presentes literas sigillo civium wiennensium et sigillo domine Agnetis de Hekking et sigillis dominorum videlicet domini Poponis de Lienberch domini Alberti Liechtnstainerii de Sancta Petronella et domini Ulrici de Chrumpach firmiter communitas coram testibus subnotatis quorum ista sunt nomina dominus Griffo ze Leub Pollo magister civium Jacobus iudeus Chunradus Harmarchter Meserl institor Wizzo gener snus Rudolfus de Sancto Yppolito cives Wiennenses item Lewpoldus magister montis de Sancto Vito dominus Chunradus de Sancta Margaretha Ebro praxator Chunradus Schotner Chunradus Yegl et ceteri quam plures Actum et datum Wienne anno domini MCCLXXXXI in die sancti Blasii martiris