Charter Document - 04270137
| Charter Number: | 04270137 |
|---|---|
| Cartulary Title: | St. Pölten, Augustiner Chorherren (976 - 1668 [1350]) |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1291 |
| Date type: | Internal, A.D., Feast |
| Resource Link(s): |
Monasterium.net |
Charter:
Ego Henricus filius domine Stiuzza civis Wiennensis et Katherina uxor mea et Dietmarus filius noster profitemur testimonio presencium literarum quod medium iuger de vinea sita in Sancto Vito que vocatur Hadmar Pluetel et Ubervankch pertinens ad antiquam vineam a reverendo in Christo patre et domino Ekhardo preposito et conventu ecclesie sancti Ypoliti convenimus iure precario quod vulgariter dicitur leibgeding ad obligandum et vendendum ad tempora vite nostre tantummodo sub hoc pacto quod singulis annis de predicto medio iugere predicto domino preposito et conventui servire debeamus unum talentum denariorum wiennensium usualis monete in terminis infra scriptis videlicet in purificacione sancte Marie medium talentum denariorum et proxima quinta feria ante diem palmarum medium talentum iterum serviemus Insuper de nostra bona admittimus voluntate quod ipse dominus prepositus et conventus unum de suis dominis aut fratribus vel unum de sua familia quem ad hoc ordinaverint singulis annis mittant qui predictam vineam qualiter culta sit respiciat diligenter quam si debito modo cultam invenerit bene quidem sin autem fructus qui in ipsa vinea haberi poterunt illo anno in domo predictorum dominorum ad Sanctum Vitum debent diligencius collocari quoadusque ipsis fecerimus certitudinem de emendis si male cultum fuerit et de servicio supradicto In cuius rei testimonium sepe dicto domino preposito et conventui damus presentes literas sigillo civium Wiennensium et sigillo domine Agnetis de Hekking et sigillis dominorum videlicet domini Poponis de Liebenberch domini Alberti Liechtensteiner de Sancta Petronella et domini Ulrici de Chrumpach firmiter communitas coram testibus subnotatis quorum ista nomina dominus Griffo de Leub Pollo magister civium Jacobus iudeus Chunradus Harmarchter Meserl institor Wiczzo gener suus Rudolfus de Sancto Ypolito cives Wiennenses item dominus Chunradus de Sancta Margaretha Leupoldus magister montis de Sancto Vito Ebro praxator Chunradus Schotner et ceteri quam plures Actum et datum Wienne anno domini MCCLXXXXI in die sancti Blasii martiris