Charter Document - 04270136
| Charter Number: | 04270136 |
|---|---|
| Cartulary Title: | St. Pölten, Augustiner Chorherren (976 - 1668 [1350]) |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1291 |
| Date type: | Internal, A.D., Feast |
| Resource Link(s): |
Monasterium.net |
Charter:
Ego Hermanus dictus Mauzzer civis Wiennensis et Mechtildis uxor mea et Mechtildis filia fratris mei profitemur testimonio presencium litterarum quod medium iuger de vinea in Sancto Vito que vocatur Hadmar Pluetel et Ubervankch pertinens ad antiquam vineam a reverendo patre et domino Ekhardo preposito ecclesie sancti Yppoliti et conventu ibidem convenimus iure precario quod vulgariter dicitur leipgeding ad obligandum et vendendum ad tempora vite nostre tantummodo sub hoc pacto quod singulis annis de predicta vinea predicto domino preposito et conventui servire debeamus unum talentum denariorum wiennensium usualis monete in terminis infra scriptis videlicet in purificacione sancte Marie medium talentum denariorum dabimus et in proxima quinta feria ante diem palmarum medium talentum denariorum iterum serviemus Insuper de bona nostra admittimus voluntate quod ipse dominus prepositus et conventus unum ex suis dominis aut fratribus vel unum de sua familia quem ad hoc ordina venit annis singulis ad nos mittant qui predictam vineam qualiter culta sit respiciat diligenter quam si debito modo cultam invenerit bene quidem sin autem fructus qui in predicta vinea haberi poterunt isto anno in domo predictorum dominorum ad Sanctum Vitum debent diligencius collocari quoadusque ipsis fecerimus certitudinem de emendis si male cultum fuerit et de servicio supradicto In cuius rei testimonium sepe dicto domino preposito et conventui domus presentes literas sigillo civium Wiennensium et sigillo domine Agnetis de Hekking et sigillis dominorum videlicet domini Poponis de Lienberch domini Alberti Liechtenstaini de Sancta Petronella et domini Ulrici de Chrumpach firmiter communitas coram testibus subnotatis quorum ista sunt nomina dominus Griffo ze Leub Pollo magister civium Jacobus iudeus Chunradus Harmarchtarius Meserl institor Wiczo gener suus Rudolfus de Sancto Yppolito cives Wiennenses item dominus Chunradus de Sancta Margaretha Lewpoldus magister montis de Sancto Vito Ebro praxator Chunradus Schotner et ceteri quam plures Actum et datum Wienne anno domini MCCLXXXXI in die sancti Blasii martiris