Charter Document - 04270127
| Charter Number: | 04270127 |
|---|---|
| Cartulary Title: | St. Pölten, Augustiner Chorherren (976 - 1668 [1350]) |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1286 |
| Date type: | Internal, A.D. |
| Resource Link(s): |
Monasterium.net |
Charter:
Nos Wernhardus dei gracia ecclesie Pataviensis episcopus tenore presencium protestamur et constare volumus universis quod constitutus in nostra presencia dilectus fidelis noster Chunradus cellerarius noster in Sancto Ypolito nobis exposuit quod ipse stuppam balnearum sitam super rivum Traysmam infra muros civitatis in Sancto Ypolito accedente consensu uxoris sue domui hospitali dei ibidem pro anime sue et parentum suorum remedio dederit et tradiderit sub hac forma ut usu fructu dicte stupe sibi ad vite sue tempora permanente de ea dicto hospitali quamdiu ipse Chonradus vixerit LX denarii usualis monete wiennensis persolvantur Post obitum vero ipsius ipsa stuppa ad dictum hospitale cum omnibus utensilibus suis et proventibus proprietatis titulo pertinebit In cuius rei testimonium et perpetuam firmitatem presentes literas sigillo nostro fecimus conmuniri Dat in Sancto Ypolito anno domini MCCLXXXVII in die sancti Stephani prothomartiris