Charter Document - 04270124
| Charter Number: | 04270124 |
|---|---|
| Cartulary Title: | St. Pölten, Augustiner Chorherren (976 - 1668 [1350]) |
| Charter Language: | Latin |
| Charter Origin: | Religious |
| Charter Type(s): | Commission |
| Date: | 1286 |
| Date type: | Assigned |
| Resource Link(s): |
Monasterium.net |
Charter:
Wer dei gracia ecclesie Pataviensis episcopus dilectis in Christo fratribus P venerabili preposito ecclesie sancte Marie in Newnburga nec non decano Medlicensi salutem et sinceram in domino caritatem Cum inter dilectum in Christo fratrem prepositum et conventum Sancti Yppoliti ex parte una et Nicolaum sacerdotem plebanum in Brukka ex altera super proventibus et decimis ipsius ecclesie liset contentio sit suborta quam magis amicabiliter vellemus quam iuris strepitu terminari providenciam vestram de qua presumimus omne bonum petimus ex affectu quatinus amore nostri inter ponatis efficaciter partes vestras ut causa huiusmodi amicabilis ordinacionis sorciatur effectum Alioquin vobis auctoritate presencium conmittimus et mandamus quatenus partibus ad vestram presenciam legi time evocatis causam audiatis eandem ipsamque provide instructam in actis sub sigillorum vestrorum munimentis nobis expressius remittatis per nos diffinitiva sententia decidendam Datum in Everding xii kal septembris