Charter Document - 04270116
| Charter Number: | 04270116 |
|---|---|
| Cartulary Title: | St. Pölten, Augustiner Chorherren (976 - 1668 [1350]) |
| Charter Language: | Latin |
| Charter Origin: | Royal |
| Charter Type(s): | Confirmation |
| Date: | 1281 |
| Date type: | Internal, A.D., Calendar |
| Resource Link(s): |
Monasterium.net |
Charter:
Ruedolfus dei gracia Romanorum rex semper augustus universis imperii Romani fidelibus presentes literas inspecturis graciam suam et omne bonum Dura contencione et aspera inter fratres de Altenbuerch super advocacia monasterii sancti Ypoliti non sine eiusdem monasterii gravi dispendio et iactura diucius agitata eo quod quilibet de advocacia huiusmodi intromittere se volebat tandem nobis pro tribunali sedentibus in Wienna per prepositum monasterii supradicti per sentenciam quesitum extitit quis ex predictis fratribus ipsis preesse de iure deberet nomine advocati ut ipsius presidio sue possent iniurie propulsari Qua questione prehabite sentenciatum extitit omnium astancium applaudente caterva quod idem prepositus propter interminabilem contencionem predictorum fratrum ex ipsis posset et deberet unum eligere advocatum Et ipse prepositus hac audita sentencia strenuum virum Chuenradum de Ochssenbuerch pro advocato ex ipsis fratribus preelegit Unde nos prefatam sentenciam approbantes predicto monasterio dictum Chuenradum pro advocato duximus concedendum et volumus quod ipse advocacie sue contentus iuribus se ultra illud ad iura non transferat aliena sed ipsum monasterium tamquam tutor equus et iustus contra iniuriatores suos quoslibet tueatur In cuius testimonium maiestatis nostre sigillum presentibus est appensum Dat Wienne IIII kalendas maii indiccione IX anno domini MCCLXXX primo regni vero nostri anno octavo