Charter Document - 04270114
| Charter Number: | 04270114 |
|---|---|
| Cartulary Title: | St. Pölten, Augustiner Chorherren (976 - 1668 [1350]) |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1280 |
| Date type: | Internal, A.D., Feast |
| Resource Link(s): |
Monasterium.net |
Charter:
Acciones quas mundus interdum ordinat sepe deleta successus temporum nisi memoria literarum occurrerit voce testium roborata Hinc est quod ego Albertus civis Tulnensis et uxor mea dilecta Geuta nomine significamus tenore presencium universis quod honoratus vir dominus Eberhardus prepositus Sancti Yppoliti ordinis beati Augustini de bona voluntate sui capituli pariter et consensu ob nostrorum promptitudinem meritorum et devocionem sinceram quam ad ipsum conventum habere dinoscimur et habuimus actenus ex affectu quandam vineam incultam in Chazlinsdorf situatam nobis libere contulit vite nostre temporibus pacifice possidendam tali quippe condicione interposita et adiecta quod eidem conventui in remedium anime nostre in festo beati Martini XXX denarios wiennensis monete singulis annis solvere teneamur post obitum vero nostrum prefata vinea omni questionis materia sublata ad predictam ecclesiam sancti Yppoliti simpliciter devolvetur In cuius rei memoriam et cautelam presentes literas sigillo civitatis in Tulna duximus communiri testibus qui aderant subnotatis dominus Hunlo miles Wulfingus apud portam Chunradus monachus Ruedlo officialis Rustarius Ulricus Winchlarius Paltrannus Rudmarus Hauengazzer Mingotus Corda Leutoldus Suevus Ebro maior Eberhardus Paumgartner et alii quam plures fide digni Actum et datum Tulne anno domini MCC octogesimo in die ascensionis domini