Charter Document - 04270101
| Charter Number: | 04270101 |
|---|---|
| Cartulary Title: | St. Pölten, Augustiner Chorherren (976 - 1668 [1350]) |
| Charter Language: | Latin |
| Charter Origin: | Religious |
| Charter Type(s): | Declaration |
| Date: | 1273 |
| Date type: | Assigned |
| Resource Link(s): |
Monasterium.net |
Charter:
Ego Chunradus frater ordinis sancti Johannis dictus liber de Piela de Ungaria veniens ad meos amicos gratia visitandi notum facio universis quod dum Eberhardus prepositus Sancti Ypoliti me ad suam presenciam invitaret et a me super decima novalium culture spectantis ad castrum de Piela quam sibi Otto detinebat et sui filii hodie detinerent violenter quid mihi constaret exigeret veritatem ego nec ductus odio vel amore sibi secundum meam conscientiam et animam respondi taliter in hec verba quicquid agriculture spectat ad castrum de Piela sunt novalia et a meo socero domino Rudolfo sunt proscissa ex novo et que mihi reliquerat et sue filie proscindere ego feci De quorum decima dum me impeteret dominus Marichardus prepositus et conventus ego cessi liti ad ipsorum instanciam et amorem ita quod nulli ius in eisdem decimis asserebam sed dominus Marichardus prepositus se de eisdem decimis intromittens quiete collegit ab eodem tempore donec pacis tempora se mutarent In cuius rei testimonium meo sigillo presentem duxi iteram roborandam