Charter Document - 04270100
| Charter Number: | 04270100 |
|---|---|
| Cartulary Title: | St. Pölten, Augustiner Chorherren (976 - 1668 [1350]) |
| Charter Language: | Latin |
| Charter Origin: | Religious |
| Charter Type(s): | Sale |
| Date: | 1272 |
| Date type: | Internal, A.D., Calendar |
| Resource Link(s): |
Monasterium.net |
Charter:
Ne acta hominum ex decursu temporis inutiliter evanescant commendari solent memorie literarum Nos igitur Nicolaus dei gracia prepositus totusque conventus ecclesie Nuvenburgensis ad universorum presentibus cognicionem cupimus pervenire quod cum Coloni nostro officiali in Nuvenburch et suis heredibus quandam vineam sitam in monte Puochperkch circa fontem Stubpruen in recompensacionem cuiusdam curie villicalis in Pirchemwart nobis resignate perpetuo tradidissemus ecce idem ductus defectuum penuria domino Eberhardo venerabili preposito et conventui Yppolitensis ecclesie ipsam vineam communi nostro consensu et bona voluntate accedente nec non ex permissione omnium heredum suorum pro quadraginta et septem libris denariorum wiennensium nomine proprietatis quo idem Colo eandem possederat ut in privilegio sibi super hoc dato continetur plenius iusto vendicionis titulo possidendam libere tradidit et tenendam Utinam autem predicta vendicio seu empcio tam per presentes quam futuros robore gaudeat firmitatis presens instrumentum consignatum nostrorum sigillorum munimine memorato domino preposito [Eberhardo] et suo capitulo [Ypolitensis ecclesie] tradidimus ad cautelam Huius rei testes sunt dominus Ulricus decanus dominus Otto de Aransperch custos et hospitalensis dominus Otto celerarius dominus Pabo plebanus Sancti Martini dominus Chunradus de Wolfkerstorf camerarius dominus Otto de Praunsperch ceterique canonici Nuvenburgenses dominus Hainricus plebanus sancti loci dominus Otto plebanus de Chappel dominus Chunradus Eysenpeutel miles Fridricus frater suus Heinricus de Schonperch Walchunus Hertnidus Albero Heinricus et Heinricus dictus Moll et alii quam plures Datum et actum in Newunburch anno domini MCCLXXII indicione XV quintodecimo kal ianuarii