Charter Document - 04270091
| Charter Number: | 04270091 |
|---|---|
| Cartulary Title: | St. Pölten, Augustiner Chorherren (976 - 1668 [1350]) |
| Charter Language: | Latin |
| Charter Origin: | Religious |
| Charter Type(s): | |
| Date: | 1269 |
| Date type: | Assigned |
| Resource Link(s): |
Monasterium.net |
Charter:
Illustrissimo domino suo O regi Boemie duci Austrie et Stirie marchioni Moravie H comes de Hardekche debite fidelitatis obsequium Iuxta mandatum vestre excellentie de vinea sita in monte Puehel inquisicionem habuimus Privilegia ecclesie sancti Yppoliti super eo diligencius examinantes et honestarum personarum super eo testimonium audientes de veritate cognovimus et ministerialium ac eciam vicinorum assercione percepimus quod ipsa vinea in terminis prediorum monasterii sancti Yppoliti sita sit et dominus Trostelo pie memorie ipsam in salutis anime sue dispendium tenuerit multis annis ipso quoque mortuo prelatus ipsius loci se de ipsa vinea intromisit et vester claviger cum aliis vestris officialibus ipsum in ea tamdiu inpedivit quoad a dominum F de Lengenpach dapiferum ipsi pro eadem causa iudicem deputastis coram quo ipsam vineam presentibus pluribus ministerialibus pleno iure obtinuit et evicit Unde graciam vestram monemus ut si predictum dominum prepositum et suam ecclesiam ipsius vinee possessione gaudere voluerit officialibus vestris per litteras vestras iniungere dignemini ut ipsos non inpediant de cetero in eadem Hoc enim anime vestre ad salutem credimus provenire