Charter Document - 04270085
| Charter Number: | 04270085 |
|---|---|
| Cartulary Title: | St. Pölten, Augustiner Chorherren (976 - 1668 [1350]) |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1267 |
| Date type: | Internal, A.D., Calendar |
| Resource Link(s): |
Monasterium.net |
Charter:
Nos Petrus dei gratia ecclesie Pataviensis episcopus Notum facimus universis presentes literas inspecturis quod cum dilecto in Christo fratri Ir canonico ecclesie nostre decano Chremensi causam quam H venerabilis prepositus ecclesie sancti Ypoliti nomine ecclesie sue contra fratrem Ortolfum ordinis fratrum Theutonicorum de Wienna super quibusdam rebus mobilibus et immobilibus habet proponere commiserimus finaliter terminandam dando sibi potestatem faciendi observare per censuram ecclesiasticam quicquid decreverit in hac parte idem quoque decanus predicto fratri Ortolfo ad suam presentiam edictis legittimis evocato et eo non conperiente sed se per contumaciam absentante excommunicationis sententiam pro contumacia rite tulerit in eundem nos dictam sententiam iusto prolatam ratam et gratam habentes ipsam in nomine patris et filii et spiritus sancti auctoritate ordinaria confirmamus et in huius rei testimonium presentes literas sigillo nostro duximus roborandas Datum in Sancto Ypolito anno domini millesimo ducentesimo LXVII XVI kalendas decembris