Charter Document - 04270083
| Charter Number: | 04270083 |
|---|---|
| Cartulary Title: | St. Pölten, Augustiner Chorherren (976 - 1668 [1350]) |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1267 |
| Date type: | Internal, Calendar, Papal |
| Resource Link(s): |
Monasterium.net |
Charter:
Frater Gwido miseratione divina tituli sancti Laurentii in Lucina presbiter cardinalis apostolice sedis legatus discretis viris et in Christo sibi karissimis preposito [] decano et capitulo ecclesie Pataviensis salutem et sinceram in domino caritatem Eam de sinceritate vestra fiduciam gerimus ut devocionem quam ad nos habetis extendatis ad illos quos nobis unit affection amicicie specialis Hinc est quod cum nos dilecto capellano nostro [] preposito Sancti Ypoliti eiusdemque ecclesie conventui ordinis sancti Augustini Pataviensis diocesis propter eorundem inopiam relevandam cum ipsorum ecclesia sit ignis incendio devastata nec ipsi possint de propriis redditibus vivere ut deceret nec hospitalitatis onera supportare ut ecclesiam de Prukk et omnes redditus et proventus ipsius ecclesie in qua ius patronatus ad ipsos dinoscitur pertinere cum eam vacare contigerit licite retinere et libere perpetuo possidere possint ad id dumtaxat diocesani accedente consensu auctoritate qua fungimur duxerimus concedendum dilectionem vestram affectuose requirimus et rogamus quatenus precum nostrarum interventu eisdem preposito et conventuisine difficultate qualibet benignum ad hoc prebeatis consensum tantum inde facientes quod idem prepositus et conventus preces nostras apud vos sibi sentient profuturas et nos proinde suo loco et tempore vobis teneamur ad gratiarum uberes actiones Datum Wienne V kalendas iunii pontificatus domini Clementis pape IIII anno tertio