Charter Document - 04270080
| Charter Number: | 04270080 |
|---|---|
| Cartulary Title: | St. Pölten, Augustiner Chorherren (976 - 1668 [1350]) |
| Charter Language: | Latin |
| Charter Origin: | Religious |
| Charter Type(s): | Permission |
| Date: | 1267 |
| Date type: | Internal, Papal |
| Resource Link(s): |
Monasterium.net |
Charter:
Frater Gvido miseratione divina tituli sancti Laurentii in Lucina presbiter cardinalis apostolice sedis legatus dilectis filiis Heinrico preposito ecclesie sancti Ypoliti capellano nostro et conventui eiusdem ecclesie ordinis sancti Augustini Pataviensis diocesis salutem in domino Exigentibus devocionis vestre meritis inducimur ut peticiones vestras quantum cum deo possumus ad exauditionis gratiam liberaliter admittamus Hinc est quod nos vestris precibus favorabiliter inclinati volentesque indigenciam vestram quantum cum deo possumus relevare cum ecclesia vestra eiusque officine sint ignis incendio devastate et ad reparationem ipsarum vobis proprie non suppetant facultates vobis ut ecclesiam parrochialem de Prukka Pataviensis diocesis in qua ius habetis patronatus et redditus ipsius ecclesie cum pertinenciis suis cum eam vacare contigerit licite retinere possitis et libere possidere constitucione contraria non obstante [] diocesani vestri ad id dumtaxat accedente consensu auctoritate qua fungimur indulgemus proviso quod dicta ecclesia debitis non fraudetur obsequiis et animarum cum in ea nullatenus negligatur Data Vienne VI idus maii pontificatus domini Clementis pape IIII anno tertio