Charter Document - 04270067
| Charter Number: | 04270067 |
|---|---|
| Cartulary Title: | St. Pölten, Augustiner Chorherren (976 - 1668 [1350]) |
| Charter Language: | Latin |
| Charter Origin: | Religious |
| Charter Type(s): | Sale |
| Date: | 1263 |
| Date type: | Internal, A.D., Feast |
| Resource Link(s): |
Monasterium.net |
Charter:
Nos Chunradus Rapoto et Wlfingus fratres de Altenburch sigillorum nostrorum testimonio profitemur et notum facimus universis ad quos pervenerit presens scriptum quod aream nostram aput Treismam prope Sanctum Ypolitum ex opposito domus Richeri sitam cum agris attinentibus Rinhardo de Wilhalmsburch servienti nostro de communi consensu contulimus dantes sibi tenore presentium vendendi eam domino Hainrico preposito et ecclesie sancti Ypoliti plenam et liberam facultatem ratum et firmum habituri quicquid idem Rinhardus hoc vel alio modo de ipsa area fecerit quod suo profectui et utilitati cognoverit expedire Ego igitur Rinhardus prefatam aream cum agricultura attinente domino H preposito Sancti Ypoliti et ecclesie pro tribus talentis me profiteer vendidisse renuncians omni iuri et actioni que michi in premissis omnibus competebat In huius rei perennem memoriam et stabilitatem nos predicti Chunradus Rapato et Wlfingus fratres de Altenburch presentem literam sigillorum nostrorum munimine roboramus Et hii sunt testes dominus Otto venerabilis Pataviensis episcopus ministerialium dominus Arnoldus et dominus Siboto fratres ipsius domini episcopi dominus O de Walde senior dominus Wolflo de Gleuz Chunradus Schowingarius civium Chunradus iudex in Sancto Ypolito Hainricus senior officialis Chunradus de Wintsprech Ditlo Otto Ziso et Pigrimus frater suus et alii quam plures Datum aput Sanctum Ypolitum anno domini MCCLXIII in die sancti Galli in dictione sexta