Charter Document - 04270065
| Charter Number: | 04270065 |
|---|---|
| Cartulary Title: | St. Pölten, Augustiner Chorherren (976 - 1668 [1350]) |
| Charter Language: | Latin |
| Charter Origin: | Religious |
| Charter Type(s): | Decree |
| Date: | 1263 |
| Date type: | Internal, A.D., Calendar |
| Resource Link(s): |
Monasterium.net |
Charter:
Notum sit omnibus presentem litteram inspecturis quod nos Chunradus iudex in Sancto Ypolito Hainricus Wrfler Chunradus incisor aput portam Hainricus dictus Hungaricus cives ibidem interfuimus vidimus et audivimus quod colonus ecclesie sancti Ypoliti de Veltz dictus Gater cum a domino Hainrico eiusdem ecclesie venerabili preposito pro servicio aliquamdiu detento impeteretur fide data in manus prefati domini prepositi pro se et quodam amico suo dicto Patruo promisit spontanea voluntate quod si duo ipsi deinceps in die sancti Martini servicium suum non dederint Gater videlicet quinque solidos et Patruus LXXV denarios ex tunc ipso facto cadant a iure suo quod eis in predio competebat In huius rei memoriam et testimonium ad peticionem domini prepositi presentem litteram sigillo universitatis nostre fecimus sigillari Acta sunt hec in Sancto Ypolito indictione sexta anno domini MCCLXIII XIIII kalendas decembris