Charter Document - 04270063
| Charter Number: | 04270063 |
|---|---|
| Cartulary Title: | St. Pölten, Augustiner Chorherren (976 - 1668 [1350]) |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1263 |
| Date type: | Internal, A.D., Calendar |
| Resource Link(s): |
Monasterium.net |
Charter:
Nos Otto dei gratia ecclesie Pataviensis episcopus tenore presentium notum facimus universis quod cum Hainricus de Grazbrech receptis a nobis legitimis indutiis ac citationibus venerabilem in Christo fratrem H prepositum Sancti Ypoliti nomine ipsius ecclesie super quadam curia in Weiskhinge que dicitur in Luoge quam idem Hainricus de Grazbrech proponebat ad se iure here ditario pertinere conveniret in iudicio coram nobis prefatus prepositus nomine ecclesie sue ab impeticione memorati Hainrici de eadem curia est legitime absolutus probavit enim ipse prepositus per testes idoneos quod ecclesia sua eandem curiam de qua conveniebatur tanto tempore quiete ac sine interruptione qualibet possedisset quod merito de cetero tuta esset In cuius rei testimonium dicto preposito et ecclesie sancti Ypoliti dedimus presentem litteram sigilli nostri munimine roboratam Et huius rei testes sunt Ulricus de Pilheltorf Otto de Truna Ulricus de Vihoven Ludwicus de Zelkinge Otto de Walde Johannes de Merswanch Wernhardus de Heuslin Rudolfus de Gleuz Chreslingus Chunradus de Schowinge Liupoldus de Drestorf Ch iudex in Sancto Ypolito Ulricus in Turriet alii quam plures Acta et data in Sancto Ypolito anno domini MCCLXIIII IIII kalendas ianuarii