Charter Document - 04270061
| Charter Number: | 04270061 |
|---|---|
| Cartulary Title: | St. Pölten, Augustiner Chorherren (976 - 1668 [1350]) |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1262 |
| Date type: | Internal, A.D., Calendar |
| Resource Link(s): |
Monasterium.net |
Charter:
Nos Otto dei gracia Pataviensis ecclesie episcopus notum facimus universis presentem litteram inspecturis quod cum inter dilectos in Christo fratres H venerabilem prepositum et conventum ecclesie sancti Ypoliti ex una parte et Truonariuma plebanum in Behemchirhen ex altera super quibusdam vineis et rebus aliis coram nobis questio verteretur ipsam tandem per amicabilem composicionem terminavimus in hunc modum Prefatus siquidem Truonarius restituet ecclesie sancti Ypoliti quecunque habet de possessionibus ipsius ecclesie Cessit etiam ex nunc ad manus nostras domui sue in Chrems et monti qui dicitur Cherl et tradidit illa ecclesie sancti Ypoliti iure perpetuo possidenda Si quid autem alienatum est et occupatum per Truonarium vel de possessionibus sibi ab ecclesia sancti Ypoliti commendatis vel etiam de hiis que ipse Truonarius eidem ecclesie antea legaverat totum illud abhinc usque ad festum beati Martini venturum proximoe revocabit Prepositus vero et conventus renunciavit actioni quam habuit contra Truonarium pro LX denariis ultra Danubium et pro X solidis de Pehemchirhen et de Chasten ut asserit sibi dandis salvo tamen iure suo imposterum de predictis X solidis contra Truonarii successorem In huius rei memoriam et testimonium presentem litteram sigilli nostri munimine roboramus Datum in Sancto Ypolito anno domini MCCLXII indictione V XIIII kal iulii