Charter Document - 04270045
| Charter Number: | 04270045 |
|---|---|
| Cartulary Title: | St. Pölten, Augustiner Chorherren (976 - 1668 [1350]) |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1252 |
| Date type: | Internal, A.D. |
| Resource Link(s): |
Monasterium.net |
Charter:
Omnibus hanc litteram inspecturis nos Heinricus dei gracia Gotwicensis ecclesie abbas sigilli nostri testimonio profitemur Sibotoni cognominato Umdankch et Chunrado fratri suo ad dies suos tantum vineam quandam supra Leitten sitam esse collatam ab ecclesia sancti Yppoliti tali pacto ut primo anno collacionis de ipsa vinea solvant eidem ecclesie II urnas vini secundo anno IIII tercio anno VI quarto anno et deinceps octo urnas de vino quod habuerint ex vinea supradicta Et idem vinum I anserem et II pullos assignare debent singulis annis in curia Pach collectori vinearum ecclesie supradicte Item non debent vineam colligere nisi presente nuncio ipsius prepositi et conventus Item si per dictum Sibotonem et Chunradum fratrem suum negligenter vinee provisum fuerit in cultura et ipsi cadent a iure suo et ecclesia de ipsa ordinabit quod expedire sibi viderit et prodesse Ut hec rata permaneant presentem litteram sigilli nostri munimine roboramus Acta sunt hec anno domini millesimo ducentesimo quinquagesimo secundo