Charter Document - 04270044

Otakarus dei gratia dux Austrie et Stirie et marchio Moravie universis Christi fidelibus in perpetuum Cum teste scriptura melius sit nomen bonum quam ungenta preciosa et melior dies una in atriis domini super milia nos ad excitandam erga nos omnipotentis dei clementiam hac in parte progenitorum nostrorum inherere vestigiis cupientes pro gloria crucifixi et nostra salute tuicioni et indempnitati ecclesiarum que sunt in nostro dominio constitute utiliter providere volumus et paterne Hinc est quod nos inclinati precibus dilectorum et fidelium nostrorum venerabilis Heinrici prepositi nec non et conventus totius Sancti Ypoliti respicientes eosdem oculo pietatis quem dignis nostra serenitas claudere nullatenus consuevit ipsorum iacturis pariter et pressuris tali subvenire dignati sumus remedio ut videlicet iudex noster in Tulna quicumque pro tempore fuerit institutus nullam in advocacia ecclesie sue vel in homines ipsorum iurisdicionem habeat sed nec in prediis eorundem nisi forte aliquis morte condempnandus repertus fuerit in eisdem quem tamen iudex dicti loci propria sibi auctoritate nullatenus usurpabit sed publicatis bonis dampnandi et retentis ad utilitatem ecclesie memorate illum sicut cingulo est accinctus procurator dicte ecclesie dicti loci iudici assignabit Prepositus autem annis singulis vel per se aut per procuratorem suum in festo sancti Michaelis viginti sex talenta wiennensis monete nomine avene que marchfuoter vulgariter appellatur et nomine iuris quod uzgedingen diciture ad cameram nostram dabit Ut autem hec nostra concessio salva permaneat ecclesie supradicte presentem cartam sigillorum nostrorum munimine in testimonium evidens iussimus roborari testibus subnotatis nichilominus promittentes quod eandem advocatiam feodaliter nulli unquam hominum conferemus quin et ecclesiam cum hominibus sibi attinentibus in nostram advocatiam et protectionem recipimus specialem eas que bet vitai vulgariter appellantur occasione quarum ecclesie destruuntur penitus ammoventes Hii sunt testes magister Wilhalmus plebanus in Ruspach magister Gotscalcus canonicus Pataviensis et plebanus in Holenbrun dominus Chunradus de Hintperch dominus Chunradus de Zekkinge dominus Al de Zelchinge dominus Chalochus de Tulbing dominus Jenzo de Dobling dominus Wolfkerus de Parowe et alii quam plures