Charter Document - 04270043
| Charter Number: | 04270043 |
|---|---|
| Cartulary Title: | St. Pölten, Augustiner Chorherren (976 - 1668 [1350]) |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1250 |
| Date type: | Internal, A.D., Calendar |
| Resource Link(s): |
Monasterium.net |
Charter:
Universis hanc litteram inspecturis Marquardus dei gracia Sancti Ypoliti prepositus salutem in eo qui est vera salus Omnibus notum esse cupimus ad quos pervenerit presens scriptum a quod nos ex comuni consilio nostri capituli et consensu ad peticionem dilecti in Christo fratris Richeri sacerdotis redditus arearum in Wilhalmspurg ad dimidium talentum preter xiv denarios ad oblationem contulimus ut exinde fratres in matris sue domine Brigite anniversario consolentur Ipse quoque Richerus laborare nos gravi considerans egestate duabus libris de officina oblationis cui tunc temporis prefuit nostro dignum duxit defectui subvenire Ut igitur predicta nostra collatio non possit in irritum revocari eam presentis scripti testimonio et sigillorum nostrorum muniminee confirmamus testibus hic subscriptis sacerdotum Pilligreinus decanus Otto Anshelmus Conradus Rudolfus Meingoldus Otto Richerus Leopoldus Datum anno domini MCCL indictione viii calendas maii