Charter Document - 04270040
| Charter Number: | 04270040 |
|---|---|
| Cartulary Title: | St. Pölten, Augustiner Chorherren (976 - 1668 [1350]) |
| Charter Language: | Latin |
| Charter Origin: | Lay |
| Charter Type(s): | Promise |
| Date: | 1249 |
| Date type: | Internal, A.D., Calendar, Feast |
| Resource Link(s): |
Monasterium.net |
Charter:
Nos Chunradus dei gratia comes de Playa cum filiis nostris Ottone et Chunrado comitibus universis presentes litteras inspecturis notum facimus quod duas carratas vini et quandam partem frugum de agris in Liutacher quam de sancte Marie Scotorum in Wiena et sancti Ypoliti ecclesiarum partibus decimarum in Pulcha iam aliquibus annis in salutis nostre preiudicium et animarum nostrarum non modicam lesionem recepimus sine iure nunc et in posterum eisdem ecclesiis divine remunerationis intuitu et in remedium animarum nostrarum remittimus et a tam indebita exactione deinceps cessamus promittentes firmiter in animas nostras dictas carratas et partem frugum nos ulterius nullo modo recepturos Huius rei testes sunt dominus Thymo plebanus in Hardech dominus Heinricus de Autendorf Pilgrimus de Weitringen Heinricus Cycada Heinricus de Hall milites Richperus et Pero officiales in Pulcha Datum in Hardech anno gracie MCC quadragesimo nono VII kal decembris in die beate Katerine indictione septima