Charter Document - 04270038
| Charter Number: | 04270038 |
|---|---|
| Cartulary Title: | St. Pölten, Augustiner Chorherren (976 - 1668 [1350]) |
| Charter Language: | Latin |
| Charter Origin: | Lay |
| Charter Type(s): | Confirmation |
| Date: | 1248 |
| Date type: | Internal, A.D., Calendar |
| Resource Link(s): |
Monasterium.net |
Charter:
Nos Ott comes de Eberstain sacri Romania imperii per Austriam et Stiriam capitaneus et procurator tenore presentium cunctis fieri volumus manifestum quod domini Albertus de Chunringen pincerna Austrie et Hadmarus de Chunringen marschalkus Austrie in nostra presentia constituti fide data et sacramento prestito corporali firmiter promiserunt quod ecclesiam sancti Ypoliti per manum hostium nimis lesam nullis propugnaculis seu edificiis quibuscunque ad rebellandum suis hostibus per se vel per suos ullatenus occupabunt sed conventum eiusdem ecclesie sub ipsorum defensione tenentes dabunt in omnibus firmam pacem nec permittent ipsum ab aliquibus temere molestari ita quod ipsorum defensionis presidio ipsius ecclesie canonici congaudentes divinorum operum servicia sub pacis tranquillitate valeant devotius exercere In cuius promissionis tenorem et firmi laudamenti dominorum dictorum presentem paginam ex ipsorum iussu et rogatu conscriptam dedimus dicto conventui in evidens testimonium et robur nostri sigilli munimine roboratam Datum apud Viennam anno domini MCCXLVIII xi kal aprilis sexte indictionis