Charter Document - 04270033

Manifestum esse cupimus cunctis Christi fidelibus tam presentibus quam futuris quod dum Richardus vicarius in Chremis longe ante finem vite sue ob remedium anime sue tradidisset ecclesie sancti Yppoliti per manum magistri montis nomine Wichmanni et per manum advocati nomine Hartwici aream quandam in Radendorf et VI iugera vinearum in Tolhaim eodem sacerdote decedente nobilis princeps dux Austrie et Stirie nomine Fridericus iam dictam aream simul et vineta licet indebite occupavit Super quo ego Marquardus tunc temporis ecclesie sancti Yppoliti prepositus nobilitatis sue presenciam requirens amicis et dominis meis cooperantibus dominum Hainricum de Gritstenstain tunc suum dapiferum optinui auditorem coram quo probavi debito ordine iudicii per testes idoneos cives videlicet domini ducis de Chrems quod iam sepe dictus sacerdos aream in Radendorf et vineta in Tolhaim poterat sine qualibet contradictione ecclesie sancti Yppoliti dare et ecclesia eadem secun dum suam donacionem debet omnia data quiete et libere possidere Sed quia superabundans cautela non nocet ego sepe dictus Marquardus prepositus Sancti Ippoliti dignum duxi presens factum sum sigillo domini H dapiferi et per testes idoneos corroborari quorum nomina sunt dominus Herbardus prepositus Sancti Georii magister Pilgrinus decanus de Albersperge Rudgerus de Topl dominus Marquardus plebanus de Lichtenwart Reimbertus miles cellerarius ducis Wichardus miles [] de Uboeimsdorf Ortolfus de Draeschirchen cives Chremenses Liupoldus claviger ducis Albertus de Straelingen Heinricus cognomine Goldl Hugo de Muttaren Gotfridus de Lapideo gradu Wichmannus de Radendorf et alii quam plures Acta sunt hec in kal Mai Philippi et Jacobi in civitate Wiennensi anno ab incarnacione domini MCCXXXV indictione VIII concurrente VII