Charter Document - 04270025

In nomine sancte et individue trinitatis amen Gebhardus dei gratia Pataviensis episcopus imperpetuum Ex cum pontificalis officii quam domino disponente suscepimus nostra interesse dinoscitur ut circa tranquillitatem quarumlibet ecclesiarum nostre diocesis paterna sollicitudine vigilantes ad amplificandum pariter ipsarum profectum provide quantum in nobis fuerit intendamus Quo circa innotescere cupimus presentibus et futuris quoniama cum inter Chunradum patruum nostrum et Leotoldum fratuelem nostrum comites de Plaein ex una parte et abbatem Scotorum in Wienna et prepositum de Sancto Ypolito ex altere super decimis in Pulka controversia verteretur et abbas et prepositus iam dicti in tantum ad versus iam dictos comites in querela processerint ut etiam iudices a sede Romana obtinuerint contra eos nos terminandam huiusmodi controversiam assumentes sic inter ipsos tractavimus quod idem abbas et prepositus renunciantes literis apostolicis impetratis in nostrum et venerabilis fratris abbatis de Sancta Cruce et decani de Sancto Ypolito arbitrium compromiserunt unacum ipsis comitibus bona fide et penitus sine fraude Nos itaque cum hec decime in Pulka in tres partes equaliter dividi debeant quarum unam comites reliquas vero duas abbas et prepositus recipiunt cum prefatis coarbitris nostris sumus taliter arbitrati videlicet ut omnes decime que solventur de cultura vinearum quas ipsi comites nunc habent aut in perpetuum habebunt in dolium communitatis que tail potge dicitur immittantur Insuper ipsi comites cum officialibus et ministerialibus atque civibus et universis hominibus suis disponent fideliter ut debito modo solvant decimas que et solute in idem mittentur dolium de quo tunc dolio cuilibet debita et equa porcio fideliter assignetur Insuper de decimis ville Leutacher sic ordinavimus ut si quando de Ottone de Haidenrichesteine et eius heredibus vacaverint deinceps nulli aliquatenus infeudentur sed in commune mittantur ut quilibet de illis similiter equam et debitam recipiat porcionem Nos quoque in omnes decimarum huiusmodi detentores sentenciam excommunicacionis iam tulimus statuentes ut si quis has decimas non plene solverit si commonitus infra mensem non satisfecerit per plebanum de Pulka qui pro tempore fuerit denunciabitur excommunicatus et si plebanus illum per mensem denunciare distulerit ipse ab officio sit suspensus Ut igitur hec que premissa sunt perpetuo permaneant inconvulsa presentem paginam conscribi et conscriptam nostri inpressione sigilli fecimus consignari Huius rei testes sunt Siboto Pataviensis canonicus Ulricus plebanus de Pulka Heinricus de Chiowe Pilgrimus de Tannenberch Tiemo de Rezbach Albero Rufus Otto de Steine Hainricus de Werde Wernhardus Zweck Ulricus de Milensbach et frater eius Wolframmus et alii quam plures Actum apud Pulka XVI kalend februarii anno domini MCCXXII indictione undecima pontificatus nostri anno primo