Charter Document - 04270024
| Charter Number: | 04270024 |
|---|---|
| Cartulary Title: | St. Pölten, Augustiner Chorherren (976 - 1668 [1350]) |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1213 |
| Date type: | Internal, A.D., Calendar, Episcopal |
| Resource Link(s): |
Monasterium.net |
Charter:
In nomine sancte et individue trinitatis Manegoldus dei gratia Pataviensis episcopus omnibus fidelibus salutem imperpetuum Quoniam facta in tempore labuntur cum tempore nec turbe rerum sufficit labilis memoria hominum necesse est autentica facta mortalium scripture beneficio perennari Proinde noverit universorum tam presentium quam futurorum karitas quod ad devotam peticionem et ad benignam conniventiam kathedralium nostrorum contulimus perpetuo munere venerabili fratri Sifrido preposito in Sancto Ypolito et successoribus suis et ecclesie sue parrochiam in Sancto Ypolito cum investitura et omni pleno iure et universis proventibus qui de prefata parrochia poterunt obvenire ad stipendium prepositi et fratrum inibi degentium deputandis eo adiuncto ut prepositus lociillius faciat supramemoratam parrochiam officiari per unum de fratribus ipsius ecclesie quemcunque voluerit discretiorem tamen qui frater nichilominus debet cum fratribus in capitulo in dormitorio inrefectorio et in aliis officinis ipsorum ordinem debitum observare Insuper statuimus ut prepositus aut per se aut per responsalem suum debeat semel in anno sine omni exactione archidiaconali conventum archidiaconi visitare Ut igitur supradicta nostra collatio stabilis et inconvulsa permaneat in perpetuum preposito in Sancto Ypolito et conventui suo ipsam sibi presenti privilegio et subscriptione dictorum kathedralium nostrorum et aliis subscriptis testibus perpetualiter communimus annectentes quod si quis ausu temerario contra hanc paginam nostre tradicionis venire presumpserit indignationem superni iudicis incurrat anathematis vinculo nisi resipuerit in perpetuum feriendus Supradicta igitur donatio celebrata est Patavie in choro sancti Stephani XIIII kal ianuarii anno verbi incarnati MCCXIII indictione I anno pontificatus nostri VIII presidente Romane sedi Innocentio III anno pontificatus sui XVI Huius rei testes sunt Ego Hainricus Pataviensis decanus subscribo Ego Tymo Pataviensis canonicus subscribo Ego Chalhohus Pataviensis canonicus subscribo Ego Hardmannus subscribo Ego Hartnidus canonicus Pataviensis et Matticensis prepositus subscribo Ego Chuonradus plebanus et canonicus Pataviensis subscribo Ego Walchunus Pataviensis canonicus subscribo Ego Hainricus de Swartza Pataviensis canonicus subscribo Ego Ulricus Pataviensis ecclesie custos subscribo Ego Hainricus de Petenpach canonicus Pataviensis subscribo Ego Ruodegerus canonicus Pataviensis subscribo Ego Othacarus canonicus Pataviensis subscribo Ego Albero canonicus Pataviensise subscribo Ego Sifridus Orphanus archidiaconus Austrie subscribo Ego Gebhardus Pataviensis canonicus subscribo Ego Eberhardus Pataviensis canonicus subscribo Ego Liupoldus Pataviensis canonicus subscribo Ego Albertus Pataviensis canonicus subscribo Ego Crafto Pataviensis canonicus subscribo Ego Otto Castor et canonicus Pataviensis subscribo Ego Eberhardus prepositus Pataviensis subscribo Ego Godfridus archidiaconus Austrie subscribo Ego Hainricus de Mistelbach canonicus Pataviensis subscribo Ego Sigehardus plebanus Wienensis et canonicus Pataviensis subscribo Ego Ulricus scriba ducis Austrie et canonicus Pataviensis subscribo Hii sunt ceteri testes Abbas Poppo de Altha Ortolfus abbas de Forenbach Hainricus abbas de Aspach Bernahardus prepositus Sancti Nicolai magister Albertus magister Enwicus Heinricus Swevus et alii quam plures Data per manum Christiani notarii