Charter Document - 04260030
| Charter Number: | 04260030 |
|---|---|
| Cartulary Title: | Spital am Pyhrn, Kollegiat 1190 - 1300 |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1282 |
| Date type: | Internal, A.D., Feast |
| Resource Link(s): |
Monasterium.net |
Charter:
Nos Hertnidus de Wildonia Marschalcus Stirie Albertus de puechaim Wernherus de slierbach Ortolfus de Trewenstain vlricus de wildonia dapifer stirie simul vna voce presentibus profitemur et notum facimus vniuersis presentes litteras inspecturis quod nobilis vir quondam Heinricus de Ernuels amicus et cognatus noster karissimus felicis memorie ob salutem anime sue et in remissionem peccatorum suorum hospitali gloriose virginis Marie in Pirno monte in vltima voluntate vite sue sub testimonio litterarum suarum ac honestorum virorum qui aderant trium marcarum redditus videlicet vnum mansum in Stemnitz vnum mansum in Doelach vnum feodum in Luezen de suis propriis redditibus et ad eum ex prima successione legitime deuolutis nullo contradicente disposuit et legauit eidem iure proprietario perpetuo seruituros vt sui et omnium parentum suorum ibidem apud altissimum memoria celebris iugiter habeatur Huius donacionis votiue et felicis testes sumus et in testimonium euidens et serenum nostra sigilla apposuimus huic scripto Datum et actum Wienne anno domini MCCLXXXII in octaua assumpcionis gloriose virginis Marie