Charter Document - 04260007
| Charter Number: | 04260007 |
|---|---|
| Cartulary Title: | Spital am Pyhrn, Kollegiat 1190 - 1300 |
| Charter Language: | Latin |
| Charter Origin: | Religious |
| Charter Type(s): | |
| Date: | 1250 |
| Date type: | Assigned |
| Resource Link(s): |
Monasterium.net |
Charter:
In nomine patris et filij et spiritus sancti amen Que geruntur in tempore ne labantur cum tempore processu temporis et ne eis in posterum possit calumpnia suboriri solet litterarum apicibus et testimonio perennarj Hinc est quod ego walgvnus quondam officialis Styrie terram sanctam uisitaturus proficiscens pro salute et remedio anime mee et omnium parentum meorum hospitali in Windischen Gersten purchreht meum in Styria racionabiliter delegaui ut eidem domui singulis annis XXX denarii tantum pro censu persoluantur nec aliud exigant vt autem hec rata et inconuulsa permaneant presentem paginam feci mei sigilli munimine roborari Huic facto interfuerunt hii dominus Ortolfus de Egendorf dominus Otto chresselinch dominus Chunradus de vochenperge Pilgerim de Ridmarch et alii quam plures