Charter Document - 04233223
| Charter Number: | 04233223 |
|---|---|
| Cartulary Title: | Pannonhalma, Bences - Capsarium (1000 - 1526 [1350]) |
| Charter Language: | Latin |
| Charter Origin: | Religious |
| Charter Type(s): | Permission |
| Date: | 1257 |
| Date type: | Internal, A.D., Feast |
| Resource Link(s): |
Reference Document for this Embedded Document Monasterium.net |
Charter:
Nos capitulum ecclesie Albensis damus pro memoria quod cum Elek filius comitis Nicolai primo in festo Sancti Laurentii in presentia nostra abbate de [Iast et] Iohanne filio Gregorii consanguine[is suis] presentibus et consentientibus ducentas marcas denariorum regalium cum pondere a Favo abbate Sancti Martini de Sacro Monte Pannonie mutuasset postmodum in tertio die Pentecostes post festum Sancti Laurentii proxime consequens idem Elek in nostri presentia octoginta marcas in redemptionem cuiusdam possessionis sue aput Princh habite obligate sibi iterato mutuari supplicavit obligans sibi dictam possessionem Urs nuncupatam sub pena cautionum et obligationum ac terminorum decesione que in prioribus litteris nostris super mutuatione ducentarum marcarum continentur Cuius supplicationibus idem Favus abbas favorabiliter inclinatus dictas octoginta marcas in denariis regalibus cum pondere memorato Elek mutuavit coram nobis ut prediximus ipsas octoginta marcas superaddens ducentis marcis predictis Et sic idem Elek domino abbati in totali summa tenetur in ducentis et octoginta marcis pro quibus omnibus ut est pretactum memoratam possessionem Urs impignoratam obligavit sub pena obligationum et cautionum in litteris prioribus insertis seriatim Datum anno Domini MCCLVII