Charter Document - 04230273
| Charter Number: | 04230273 |
|---|---|
| Cartulary Title: | Pannonhalma, Bences - Capsarium (1000 - 1526 [1350]) |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1280 |
| Date type: | Assigned |
| Resource Link(s): |
Monasterium.net |
Charter:
Capitulum Vesprimiensis ecclesie omnibus Christi fidelibus presens scriptum inspecturis salutem in Domino sempiternam Ad universorum notitiam tenore presentium volumus pervenire quod venerabilis in Christo pater et dominus noster Petrus Dei gratia episcopus Vesprimiensis in medio nostrum constitutus dixit quod terram seu possessionem suam hereditariam in villa Tuur in comitatu Symigiensi existentem cum omnibus utilitatibus et pertinentiis existentibus super eadem et pertinentibus ad eandem sessione videlicet seu fundo curie quinque vineis piscina usu dolabri sive securis vulgariter bard appellati et quinque capita mancipiorum super eadem possessionem conmorantium taliter nominatorum videlicet Fyle Demetrium filium eiusdem Andrea Bene et Dominicum in divisione habita et facta cum magnificis viris fratribus suis ad portionem suam sicut dixit libere devolutam et devolutos alioque nemine participante possessam et possessos sine preiudicio iuris ecclesie nostre debito opere spiritualis motus pietatis pro remedio animarum et felici recordatione nobilis domine sororis sue ac Demetrii bani filii eiusdem domine bonarum recordationum ecclesie Beati Mauricii de Beel comparente religioso viro et Deo utique devoto fratre Georgio et patre eiusdem ecclesie personaliter coram nobis salubriter condonasset perpetuo et iure irrevocabili possidendam seu possidendas In cuius rei memoriam et donationis firmitatem presentes concessimus litteras sigilli nostri munimine roboratas Datum per manus magistri Germani lectoris ecclesie nostre anno Domini millesimo [] venerabili in Christo patre et domino nostro episcopo predicto Petro Andronico preposito Petro cantore Laurentio custode existentibus