Charter Document - 04230266
| Charter Number: | 04230266 |
|---|---|
| Cartulary Title: | Pannonhalma, Bences - Capsarium (1000 - 1526 [1350]) |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1271 |
| Date type: | Internal, A.D. |
| Resource Link(s): |
Monasterium.net |
Charter:
Capitulum Lauriensis ecclesie universis Christi fidelibus tam presentibus quam futuris presens scriptum inspecturis salutem in Domino sempiternam Ad universorum notitiam tenore presentium volumus pervenire quod magistro Thoma preposito Hantensi concanonico nostro personaliter ex una parte et fratre Herrico monacho ac Wosos iobagione monasterii Sancti Martini pro venerabili viro domino B[onifacio] abbate eiusdem monasterii ex altera coram nobis constitutis idem Thomas prepositus est confessus quod terram suam Nulos vocatam cum suis utilitatibus et pertinentiis sufficientem culture decem aratrorum ac cum viginti quinque vineis super eandem terram existentibus ex collatione domini B[ele] regis Hungarie felicis recordationis possessam et privilegio Stephani regis Hungarie filii eiusdem confirmatam vendidisset eidem domino abbati et monasterio predicto pro viginti marcis denariorum iure perpetuo pacifice possidendam eodem statu quo idem Thomas prepositus dinoscitur possedisse quas viginti marcas idem Thomas prepositus coram nobis recepit ab eisdem ex integro Privilegium autem ipsius domini regis Stephani quod idem Thomas prepositus super collatione et confirmatione ipsius terre impetraverat predictis procuratoribus abbatis et monasterii statuit coram nobis Cuius quidem terre mete sicut in litteris eiusdem domini regis vidimus contineri hoc ordine distinguuntur Prima meta incipit ab oriente iuxta terram monasterii Sancti Martini et vadit cum binis metis ad meridionalem partem iuxta eandem terram monasterii et inde vadit ad occidentalem partem ad terram ville Posnem populorum domine regine et inde flectitur ad septemtrionem tenendo metas cum populis castri Lauriensis et tavarnicorum domini regis exinde veniet ad primam metam tenendo binas metas iuxta terram monasterii Sancti Martini et sic cursus metarum dicte terre terminatur In cuius rei memoriam presentes litteras ad petitionem partium concessimus sigilli nostri munimine roboratas anno Domini MCCLXXI Chepano preposito Hectore cantore et Mikou custode existentibus