Charter Document - 04230241
| Charter Number: | 04230241 |
|---|---|
| Cartulary Title: | Pannonhalma, Bences - Capsarium (1000 - 1526 [1350]) |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1262 |
| Date type: | Assigned |
| Resource Link(s): |
Monasterium.net |
Charter:
Capitulum ecclesie Geuriensis omnibus presentes litteras inspecturis salutem in omnium salvatore Ad universorum notitiam harum serie volumus pervenire quod constitutis coram nobis Wyda filio Dionisii et Iacobo fratre eiusdem Dionisii de villa Barath ex una parte et venerabili patre domino F[avo] abbate Sancti Martini de Sacro Monte Pannonie ex altera iidem Vida et Iacobus asseruerunt viva voce quod prefatus Dionisius cum adhuc plena corporis sospitate frueretur quandam vineam suam empticiam in Baratsucurov in loco qui Luk dicitur existentem a meridie vinee nostre ab occidente vero vineis monasterii Sancti Martini contiguam dicto abbati et monasterio pro anime sue remedio et perpetua elemosina contulit et donavit quam etiam donationem ipsi Vida et Iacobus coram nobis ad plenum pio desiderio approbarunt In cuius rei memoriam perpetuam presentes concessimus litteras sigilli nostri munimine roboratas anno Domini millesimo ducentesimo sexagesimo secundo Chepano ecclesie nostre preposito Iurkone cantore Hectore custode existentibus