Charter Document - 04230232
| Charter Number: | 04230232 |
|---|---|
| Cartulary Title: | Pannonhalma, Bences - Capsarium (1000 - 1526 [1350]) |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1261 |
| Date type: | Internal, A.D., Calendar |
| Resource Link(s): |
Monasterium.net |
Charter:
Capitulum Albensis ecclesie universis Christi fidelibus presentium inspectoribus salutem in Domino sempiternam Etsi humanam pietatem salutis desiderio terroreque extremi iudicii provocante omnes ecclesias possessionibus ditare tenerentur universi illis potissimum elemosinarum largitate adesse debet unusquisque ad quos et donatio progenitorem et receptio devotionem auget ampliorem comodi temporalis Ea siquidem consideratione Raad filius Emirici Cornel filius Luca et Corlat filius eiusdem de genere Raad coram nobis personaliter constituti proposuerunt quod cum progenitores ipsorum in perpetuam elemosinam monasterio Beati Martini de Sacro Monte Pannonie excipiendo de quadam possessione sua Tord nuncupata quandam particulam contulissent et postmodum ipsi Raad Cornel et Corlat in spiritualibus et etiam temporalibus subsidium eiusdem monasterii suis in necessitatibus senserint ut patroni adeo ut imminente quodam debito abbas et fratres eiusdem monasterii de pecunia monasterii dicto Raad viginti marcas Cornelio vero et filio suo predictis sedecim marcas familiariter obtulerint et in aliis plerisque eis beneficia innumera prestiterint volentes pro receptis comodis ab ipso monasterio et utilitatibus et adhuc in futurum recipiendis merito remunerationis bravio propensius respondere totam predictam possessionem Tord metis circumquaque per ambitum vallatam nihil iuris seu portionis sibi reservantes cum omnibus utilitatibus suis et pertinentiis silvis videlicet terris fenetis sitibus curiarum piscinis et aliis eo omni iure et sub eisdem metis quibus ipsi et progenitores ipsorum pacifice possederunt et quiete partim ut diximus pro summa pecunie pretaxate partim vero pro remedio anime sue et suorum progenitorum contulerunt et donaverunt monasterio Sancti Martini antedicto in perpetuum possidendam Et ne processu temporis alicui cognatorum predictorum nobilium liceat predictam donationem et collationem aliqua occasione pretensa revocare sed ut hereditas et dotalicium sepius dicti monasterii permaneat inviolabili firmitate roborata iidem nobiles a nobis instanter petierunt ipsam donationem nostro privilegio confirmari Quorum nos petitionem iustam et legitimam esse attendentes in hac parte presentes concessimus litteras nostro sigillo communitas anno Domini MCC sexagesimo primo tertio Nonas Frebruarii magistro Paulo ecclesie nostre electo aule regie vice cancellario Gregorio cantore Feliciano custode Michaele decano existentibus