Charter Document - 04230231
| Charter Number: | 04230231 |
|---|---|
| Cartulary Title: | Pannonhalma, Bences - Capsarium (1000 - 1526 [1350]) |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1261 |
| Date type: | Internal, A.D. |
| Resource Link(s): |
Monasterium.net |
Charter:
Nos conventus monasterii Sancti Egidii de Simigio universis presentes litteras inspecturis significamus quod Gregorius sacerdos condam archidiaconus Simigiensis constitutus coram nobis proposuit viva voce quod quandam particulam terre nomine Buchmala empticiam de Rad filio Hemirici de genere et de villa Rad in territorio ville Tord existentem cum omnibus pertinentiis videlicet virgultis fenetis terris arabilibus et fundo curie seu aliis utilitatibus suis domino F[avo] abbati Sancti Martini de Sacro Monte Pannonie pro quadam summa pecunie vendidisset in perpetuum possidendam recepta eadem pecunia plenarie ab eodem tali tamen interposita conditione ut processu temporis nec ipse Gregorius sacerdos nec sui consanguinei ipsam particulam terre poterint impetere ab abbate memorato In cuius rei memoriam et perpetuam firmitatem litteras nostras sigilli nostri munimine inpressas concessimus Datum anno gratie MCC sexagesimo primo