Charter Document - 04230222
| Charter Number: | 04230222 |
|---|---|
| Cartulary Title: | Pannonhalma, Bences - Capsarium (1000 - 1526 [1350]) |
| Charter Language: | Latin |
| Charter Origin: | Royal |
| Charter Type(s): | Decree |
| Date: | 1258 |
| Date type: | Internal, A.D., Calendar, Regnal |
| Resource Link(s): |
Monasterium.net |
Charter:
Bela Dei gratia [H]ungarorum [D]almatie [C]roatie [R]ame [S]ervie [G]allicie [L]odomerie [C]umanieque ex omnibus presentes litteras inspecturis salutem in Domino [U]t ea que geruntur in tempore ne cum tempore defluant et labantur ad cautelam solent scripti patrocinio perempnari Proinde ad universorum notitiam volumus pervenire quod cum Alexander filius Marcelli terram Durug Posoniensis et Musuniemsis castrorum usui quinque aratrorum subiacentem cum feneto et aliis utilitatibus ac pertinentiis suis ex nostra collatione datam sibi in concambium terre sue Mortun vocata in parrochia Posoniensi venditioni vellet exponere ad nostram accedens presentiam Favus venerabilis abbas de Sacro Monte Pannonie nobis instantius supplicavit ut dictam terram liceret sibi emere nomine ecclesie sue et pacifice possidere [V]olentes igitur utilitati monasterii Beati Martini consulere in hac parte concessimus dicto abbati ut dictam terram Durug vocatam a prefato Alexandro libere emat et possideat Et sicut idem Alexander retulit in nostra presentia constitutus per dictum abbatem pretium eiusdem terre plenius sibi extitit persolutum [I]n cuius etiam solutionis iudicium idem Alexander privilegium nostrum quod habebat super [ipsa terr]a dicto abbati restituit omni super pretio dicte terre renuntians actioni [U]t igitur hec nostra concessio robur perpetue obtineat firmitatis litteras nostras concessimus duplicis sigilli nostri munimine roboratas Datum per manus magistri Smaragdi venerabilis electi ecclesie Colocensis dilecti et fidelis nostri aule nostre vicecancellarii anno Domini millesimo ducentesimo quinquagesimo octavo XVIII Kalendas Madii regni autem nostri anno vigesimo tertio