Charter Document - 04230217
| Charter Number: | 04230217 |
|---|---|
| Cartulary Title: | Pannonhalma, Bences - Capsarium (1000 - 1526 [1350]) |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1258 |
| Date type: | Internal, A.D. |
| Resource Link(s): |
Monasterium.net |
Charter:
Capitulum Albensis ecclesie universis Christi fidelibus presentibus pariter et futuris presentium notitiam habituris salutem in eo qui est salus omnium Vestra noverit universitas quod constitutus coram nobis personaliter Alexander filius Marcelli de villa Drug proposuit quod cum pater suus Marcellus attendens temporibus sue vite et ipse multa temporalia comoda et bona ab ecclesia Sancti Martini de Sacro Monte Pannonie recepissent et idem pater suus die extremo sibi properante condigna vicissitudine refundere nequivisset ipse volens eidem ecclesie grato recompensationis stipendio respondere memor existens accepti beneficii utpote vir undique circumspectus et prudens ob remedium anime patris sui et proprie ac spem eterne beatitudinis terram suam quam in eadem villa ex donatione regis Bele quarti obtinebat prout per litteras eiusdem domini Bele regis nobis constitit evidenter usui quinque aratrorum sufficientem cum feneto et aliis utilitatibus suis et pertinentiis eidem ecclesie coram nobis contulit et donavit iure perpetuo et irrevocabili possidendam Adicimus etiam quod frater Cosmas decanus eiusdem ecclesie promisit nomine ipsius ecclesie quod idem Alexander et sui heredes tueantur per ecclesiam memoratam et protegantur ac etiam ipsis tam in spiritualibus quam in temporalibus provideatur ab eadem In cuius rei memoriam et perpetuam firmitatem presentes litteras ad petitionem partis utriusque videlicet Alexandri et decani memorati concessimus eidem ecclesie Sancti Martini sigilli nostri munimine roboratas Datum anno Domini MCCL octavo magistro Philippo ecclesie nostre electo aule regis vice cancellario Gregorio cantore Feliciano custode Ambrosio decano existentibus