Charter Document - 04230214
| Charter Number: | 04230214 |
|---|---|
| Cartulary Title: | Pannonhalma, Bences - Capsarium (1000 - 1526 [1350]) |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1257 |
| Date type: | Internal, A.D., Calendar |
| Resource Link(s): |
Monasterium.net |
Charter:
Capitulum ecclesie Albensis omnibus Christi fidelibus presentes litteras inspecturis salutem in Domino sempiternam Ad universorum notitiam tenore presentium volumus pervenire quod cum lis et contentio inter monasterium Beati Marie virginis de Scyrch et monasterium Beati Mauricii de Bel super viginti sex iugeribus terrarum de Keykuffev a parte silve ecclesie de Scyrych existentis fuisset exorta et diutius hinc inde altercata tandem mediantibus viris probis et idoneis in talem compositionis formam devenerunt prout per dilectum socium et concanonicum nostrum magistrum Michaelem ad hoc specialiter de mandato regio percepimus destinatum quod tertiam partem terre supradicte abbas ecclesie de Shrych propter bonum pacis reliquisset ecclesie de Bel pacifice et quiete possidendam pro residuis autem duabus partibus eiusdem terre abbas sepe dictus ecclesie de Bel iuxta estimationem virorum nobilium marcam et octo pondera ecclesie de Shyrch persolvit coram nobis ita ut ipsas duas partes etiam eidem ecclesie de Beel permisit iure perpetuo possidendas In cuius rei memoriam et perpetuam firmitatem ad petitionem utriusque partis presentes concessimus litteras sigilli nostri munimine roboratas Datum anno Domini MCCL septimo quinto nonas Iulii magistro Smaragdo ecclesie nostre preposito aule regie vice cancellario Gregorio cantore Mathia custode Ambrosio decano existentibus