Charter Document - 04230210

Alexander episcopus servus servorum Dei dilectis filiis [] abbati et conventui monasterii Sancti Martini supra Pannoniam ad Romanam ecclesiam nullo medio pertinentis ordinis Sancti Benedicti Iauriensis diocesis salutem et apostolicam benedictionem Divina sapientia rationis sue lege multiplici creature a se condite iura disponens quemadmodum preminens celum sideribus ornat et subiectam terrarum latitudinem vernanti rerum varietate depingit ita circulares temporum cursus voluit dierum interiectione celebrium variari ut fidelium devotio que in cotidiana iustitie torpesci instantia dum interposita sanctorum sollempnia studet voto reduci celebrare ipsorum exemplis ad pietatis desideria currescat et qui corpore peregrinantur ab illis eternis eorum festivitatibus et gaudiis [] permixtis [] sancte [] studium et morum similitudinem gestiant spiritualiter interesse Ad hoc autem non solum exhortationibus admonendus est Dei populus verum etiam spiritualium munerum largitionibus inducendus ut ad spem eternorum saltem gustata in hiis aliqua rei dulcedine sublevetur Cupientes igitur ut ecclesia vestra in Beati Martini honorem ut proponitis dedicata congruis honoribus frequentetur omnibus vere penitentibus et confessis qui ecclesiam ipsam in festo eiusdem sancti septem diebus sequentibus et in anniversario dedicationis ipsius ecclesie annis singulis venerabiliter visitarint de omnipotentis Dei misericordia et Beatorum Petri et Pauli apostolorum eius auctoritate confisi annum unum et quadraginta dies de iniuncta sibi penitentia misericorditer relaxamus Datum Anagnie VIII Idus Octobris pontificatus nostri anno secundo