Charter Document - 04230207
| Charter Number: | 04230207 |
|---|---|
| Cartulary Title: | Pannonhalma, Bences - Capsarium (1000 - 1526 [1350]) |
| Charter Language: | Latin |
| Charter Origin: | Lay |
| Charter Type(s): | Confirmation |
| Date: | 1255 |
| Date type: | Internal, A.D. |
| Resource Link(s): |
Monasterium.net |
Charter:
Nos Rolandus palatinus et comes Posoniensis omnibus presentium notitiam habituris duximus significandum quod cum litis questio mota fuisset coram nobis super facto decimarum inter ecclesiam Sancti Martini de Pannonia ex una parte et inter ecclesiam Beati Petri de Buda ex altera et ipsam litem ad examen duelli iudicassemus et tandem requisito domino rege ipsum duellum fuisset revocatum postmodum placuit partibus ex nostra permissione amicabiliter inter se mediantibus probis viris pacifice ordinare Cuius compositionis formam dominus abbas Sancti Martini Ambrosius lector Petrus decanus et magister Sixtus canonici ecclesie Budensis coram nobis hunc in modum recitarunt quod vinitores ecclesie Budensis in toto comitatu Symigiensi constituti de singulis mansionibus pro decimis singulas binas capetias persolvent et de propriis cellariis Budensis ecclesie decimas legitimas et consuetas libere autem conditionis homines solvere debent decimas suas in prediis ipsius ecclesie Budensis locati secundum consuetudinem regni approbatam Ut autem huius compositionis series salva semper et inconcussa permaneat et in temporibus successivis per neminem possit in irritum revocari in testimonium et confirmationem eiusdem facti litteras nostras presentes ad petitionem utriusque partis sigilli nostri munimine roboratas duximus concedendas Datum in Vaska feria quinta post dominicam Letare anno Domini millesimo ducentesimo quinquagesimo quinto