Charter Document - 04230205
| Charter Number: | 04230205 |
|---|---|
| Cartulary Title: | Pannonhalma, Bences - Capsarium (1000 - 1526 [1350]) |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1255 |
| Date type: | Internal, A.D. |
| Resource Link(s): |
Monasterium.net |
Charter:
B divina miseratione abbas monasterii Sancti Egidii de Symigio et conventus eiusdem loci universis Christi fidelibus tam presentibus quam futuris presens scriptum inspecturis salutem in eo qui est salus omnium Ad notitiam universorum volumus pervenire quod Heym Petrus Paulus et Dionysius filii Heym comitis coram nobis constituti viva voce asseruerunt quod triginta iugera terrarum cum uno feneto et duabus vineis in villla Rad existentibus pro remedio anime patris eorum et insuper pro tribus marcis argenti monasterio Sancti Martini de Sacro Monte Pannonie contulissent perpetuo possidendas Preterea dictus Heym cum fratribus suis prenominatis obligavit se quod si aliquo tempore predicta triginta iugera terrarum et fenetum seu vinee ab aliquo impeterentur sepe dicti filii Heym comitis propriis sumptibus et laboribus suis liberare et expedire tenerentur Ut autem huius rei series firma et stabilis permaneat ad instantiam et petitionem supradictorum filiorum Heym comitis litteras nostras sigillorum nostrorum munimine concessimus roboratas Datum anno gratie MCCLV