Charter Document - 04230200
| Charter Number: | 04230200 |
|---|---|
| Cartulary Title: | Pannonhalma, Bences - Capsarium (1000 - 1526 [1350]) |
| Charter Language: | Latin |
| Charter Origin: | Papal |
| Charter Type(s): | Mandate |
| Date: | 1252 |
| Date type: | Internal, Calendar, Papal |
| Resource Link(s): |
Monasterium.net |
Charter:
Innocentius episcopus servus servorum Dei dilectis filiis [] priori et [] subpriori Sancti Martini de Pannonia Iauriensis diocesis et magistro Bartholomeo de Campania canonico Waciensi salutem et apostolicam benedictionem Cum venerabili fratri nostro magistro P de Sancto Helia episcopo Aquinatensi per nostras litteras duximus indulgendum ut annuum redditum sex marcarum argenti in quo ante suam promotionem venerabilis frater noster [] episcopus Iauriensis tenebatur eidem integre percipere valeat quousque possessionem [suam] Aquinatensem adipiscatur pacificam et proventus percipiat ex eadem predicto Iauriensi episcopo nostris dantes litteris in mandatis ut redd[itum] ipsum iuxta nostre concessionis tenorem eidem episcopo Aquinatensi vel [ips]ius [] nomine sine difficultate et qualibet diminutione persolvat et de subtractis integram satisfactionem impendat Ideoque discretioni vestre per apostolica scripta mandamus quatinus si dictus Iauriensis episcopus super hoc mandatum nostrum neglexerit adimplere vos eum ad id monitione premissa auctoritate nostra apellatione remota cogatis Quod si non omnes hiis exequendis poteritis interesse duo vestrum nichilominus exequantur Datum Perusii IIII Nonas Septembris pontificatus nostri anno decimo